NRK Meny
Normal

– Ii váilevaš oahpahus

Finnmárkku fylkkamánni oahpahusdirektevra, Kirsti Saxi, ii daja váilevaš sámegieloahpahusa vuođđoskuvllas váttisvuohtan.

Fylkesordfører i Finnmark, Kirsti Saxi
Foto: Finnmark fylkeskommune

Sámegieloahppi vánhenguovttos Mátta-Várjjagis leaba váidán gieldda Finnmárkku fylkkamánnái go sudno nieida ii leat ožžon doarvái buori sámegieloahpahusa.

Sámi Allaskuvlla sámegielprofeassor, Ole Henrik Magga, mielde váilevaš sámegiela oahpahus ii leat váttisvuohtan dušše Matta-Várjjagis ja ahte gávdnojit máŋga dakkár ášši eará guovlluin maid.

Finnmárkku fylkkamánni oahpahusdirektevra, Kirsti Saxi, lohká goitge iežaset bures láhččán sámegiela oahpahusa.

– Golmma maŋimuš jagis ii leat go okta sámegieloahpahus-váidda boahtán Finnmárkku fylkkamánnái, muitala Saxi.

GULDAL:


– Sii leat dáhtton vánhemiid váidit ášši iežaset ruovttugildii, go váhnemat leat váldán oktavuođa sidjiide. Go vánhemiin ii leat šat gullon ii mihkkige , de lea dilli lea čorgejuvvon, dadjá oahpahusdirektevra Kirsti Saxi.

Fylkkamánni čađahii mannan skuvlajagi bearráigeahču das, mo sámegiela oahpahusfálaldat lea Álttá, Poršaŋggu ja Deanu gielddain. Dán iskkadeamis bođii ovdan, ahte buot mánát, geain lea vuoigatvuohta oažžut sámegieloahpu, ožžo doarvái buori oahpu.

– Go vel dasa lassiin leat leamašan unnán váiddagat, de dát ii leat stuorit váttisvuohta, oahpahusdirektevra Kirsti Saxi oaivvilda.