– Ii leat goarádussan
Olgešbellodaga sámediggejoavkku jođiheaddji Lars Filip Paulsen ii leat ovttaoaivilis ahte livččii goarádussan sámi guovlluide jus Nordlánda, Romssa ja Finnmárkku ovttastahttojuvvošii stuorraregiovdnan. – Dálá šiehtadusat maid Sámediggi lea dahkan fylkkasuohkaniiguin sámi guoskevaš áššiid oktavuođas, joatkašuvvet, jáhkká Paulsen.