NRK Meny
Normal

– Ii leat dárbu sámi giddagassii

Sámedikkeráđđi dajai ikte ahte ii leat dárbu ásahit sierra sámi giddagasa, muhto ahte sii áinnas leat fárus hábmemin gielalaš sisdoalu.

Arresten

Čájáhusgovva.

Foto: Yngve Tørrestad / NRK

Vibeke Larsen

Sámedikki bargiidbellodaga parlamentáralaš jođiheaddji, Vibeke Larsen.

Foto: Pressebilde

Dutki mielas ii leat doarvái dušše jurddašit giela birra norgga giddagasain.

Sámedikki bargiidbellodaga parlamentáralaš jođiheaddji, Vibeke Larsen čuovvola Sámedikkeráđi ahte ii leat dárbu ásahit sierra sámi giddagasa go sámit ásset miehtá Norgga ja sis leat iešguđet suopmanat:

Dutkan sámi fáŋggaid dili

Astrid Kalvemo lea dutkan sámi fáŋggaid dili dáčča giddagasain.

Dás lea ilbman maid rapporta mii deattuha ahte sápmelaččat gillájit duppalit giddagasain. Kalvemo mielas orru beare álki dušše smiehttat giela ektui, dás lea sáhka sosiálalaš bealit nugo sámiin leat sierra vierut maid ferte váldit vuhtii mat eai leat nu dábálaččat dáččaid gaska.

Okta ovdamearka lea sámi fuolkevuođa ipmirdit ja fáŋggat namuhit ahte eai oaččo luomu giddagasas nugo hávdádemiide go lagamuččat lea eret vádjolan.

– Virgádit sámegielat bargiid

Larsen oaivvilda ahte dás lea sáhka virgádit bargiid geat hálddašit sámegiela ja dovdet sámi kultuvrra.