– Gulahallat Raipon birra

Sámedikki ovddasdeaddjit deaivvadit otne Oslos Ruošša ámbassadan, gulahallat earret eará Raipon eamialbmotorganisašuvnna boahtteáigi birra ja obbalaččat Ruošša sámiid dili birra.

Egil Olli
Foto: Dan Robert Larsen / NRK

– Mis lea buorre gulahallan sihke eamiálbmotorganisašuvnnain ja sámiiguin ruoššas, danin lea dárbu dál ságastallan ruošša eiseválddiiguin dán dili birra, lohká Sámediggepresideantta Egil Olli.

Máŧkis Osloi lea maid Sámediggedirektevra Rune Fjellheim ja Hege Fjellheim.

Čielga diehttu

Ruošša riekteministtar lea mearridan ahte RAIPON doaimmat galget bissehuvvot danin go oaivvildit rihkkut Ruošša lága, go ovttasbarget olgoriika organisašuvnnaiguin.

– Lei oanehis, muhto čielga diehtu mii bođii departemeanttas ahte organisašuvdna galgá heaittihuvvot, nu dajai RAIPON ossodatjođiheaddji, Radion Sulyandziga, golggotmánus NRK:ii.

Eai vuollán

Ruošša álgoálbmotorganisašuvdna RAIPON ii áiggo vuollánit vaikko Ruošša eiseválddit leat mearridan bissehit sin doaimmaid.

Árktalas ráđi čoahkkimis Haparandas, ovddidii RAIPON cealkámuša mas čilgejuvvo mo Ruošša eiseváldit leat njulgestaga áitán sin doaimmaid.

RAIPON ossodatjođiheaddji Sulyandziga lohká ovttasbargoguimmid veahki dehálaččan.

Organisašuvdna lea máŋgii geahččalan rievdadit njuolggadusaid, muhto das ii leamašan ávki.

Olgoriikaministtar maid áššis

Sámediggepresideantta Egil Olli lohká maid Norgga eiseválddiid gulahallan dán ášši birra ruoššain.

– Olgoriikaministtar lea gulahallan áššis ja dál mannat mii Oosloi, go lea dárbu gozihit ášši, čilge Olli.

  • Gula radioášši dás: