– Gos de sámi gielddat

Sámi giellahálddašanguovllu gielddat ballet ahte sáhttá dahkat heaju sámi giella ja identitehta bargui, jos dáid gielddaid ovttastahttet gielddaiguin, mat eai leat sámi giellahálddašanguovllus. -Bargu ealáskahttit sámegiela ja dohkkehit sámi kultuvrra lea váldán guhkes áiggi, danin fertejit diehtit mo ođđa gielddaidođastusas jurddašuvvo dán hárrái, bivdá Gáivuona doaibmi sátnejođiheaddji Svein Oddvar Leiros. Gielddadepartemeantta sámeáššiid stáhtačálli Ánte Bals lohká iežaset ásahan lávdegotti, mii justa dieid beliid árvvoštallá gielddaidođastusbarggus.