NRK Meny
Normal

– Gártet lobihuššat ja máŋget giellaoahpa

Skuvllat šaddet lobihuššat ja máŋget máttásámegiela giellaoahppagirjji, go Norgga Sámediggi ii leat vuoruhan ruđaid giellaoahpa deaddileapmái.

Samiske bøker
Foto: Eilif Aslaksen / NRK

– Dát lea áibbas dohkkemeahttun dadjá máttasámegiela oahpaheaddji Nora Bransfjell, Davvi-Trønderlaga Allaskuvllas.

GULDAL: Váillahit máttasámegiela giellaoahppagirjji

Bransfjell mielas lea hui šállošahtti go eai fitne Bergsland máttasámegiela giellaoahppagirjji gostige. Allaskuvllaoahppit dárbbašivčče girjji garrasit. Dat lea erenomaš dehálaš sámegiela ohpus ja girjái oahppit ieža čállet.

Girjji ii goitge gávdno vuovdemassii gostige. Danin fertejit luoikkahit dan, muhto dasa ii sáhte čállit maidige. Máŋgetges ii leat lohpi, muhto dan sii soitet šaddat dahkat.

Nora Bransfjell mielas Norgga Sámediggi berrešii dahkat juoidá dáinna áššiin. Samedigeráđđelahttu, Ellinor Marita Jåma, salloša ja dadjá ahte Sámedikkis ii leat šat ruhta.

– Sii sáhttet easka boahtte jagi juolludit ruđa dasa, Jåma čilge.