– Fertejit dál ofelastit nuoraid

Sámi Girječálliid Searvi ja Norgga Sámediggi ordnejit čállinskuvlejumi.

Samiske bøker

Čájáhusgovva.

Foto: Eilif Aslaksen / NRK

Skuvlejupmi ordnejuvvo boahtte jahkái ja lea oaivvilduvvon sámenuoraide, geat beroštit čállimis.

Karen Anna Buljo

Sámi girječálliid searvvi jođiheaddji Karen Anne Buljo.

Foto: Bjørnar Johansen

Sámi Girječálliid Searvvi jođiheaddji Karen Anne Buljo illuda go dat skuvlejupmi viimmat lihkostuvvá.

– Issoras suohtas go Sámediggi lei mielas veahkehit sin, ja dat lea ávkin ja maiddái movttiidahttá dakkár olbmuide, geat beroštit čállimis.

Ja dakkár olbmuid han sii ohcetge, dakkáriid geat háliidit čálalaččat muitalit muitalusaid, dadjá Buljo.

– Unnán nuorra sámegielat girječálli

Buljo mielas lea vahát go eai leat nu galle nuorra sámegielat girječálli, vaikko sámeguovllus gávdnojitge olu čeahpes nuorat, geain livčče miella čállit.

Dan dihte sii leatge guhká plánen ordnet dákkár skuvlejumi. Son atná dehálažžan ahte nuorat besset oahpahallat girjjálašvuođa sámegillii.

– Mis leat Sámis buorit čállit, muhto sii eai háliidivččii čállit eará gillii. Sin váimmogiella lea sámegiella, dadjá Buljo.

– Fertejit dál ofelastit nuoraid

Son diehtá ahte dakkár skuvlejupmi lea ávkkálaš, ja Sámi girječálliid Searvi háliidage movttiidahttit nuoraid čálligoahtit juohkelágan čállosiid.

Buljo dadjá iežaset dárbbašat olbmuid, geat čállet juohkelágan čállosiid, nugo omd. teáhterbihtáid, noveallaid, románaid, divttaid.

– Mii fertet dál leat nuoraide ofelažžan, loahpaha Buljo.