Finnmárkku Opmodat lea dán jagi addán lagabui 20 sierralobi ealgabivdide geain leat nuorra beatnagat maid eai leat vel ollen oažžut dohkkehuvvot bivdobeanan.
– Billista duođalaš bivdiid ovdii
Guovdageainnu ealgabiviid searvvi ovdaolmmoš Per Nils Saari oaivvilda ge ahte Fefos eai ieža čuovo njuolggadusaid go addet sierralobi nuorra beatnagiidda. Son lohká sin ráhkadit eambbo moivvi. Dát billista sin ovdii geat duođas háliidit bivdit, lohká Saari
Fefos lohket ahte sii addet sierralobi daidda geat eai leat vel ollen oažžut beatnagiid dohkkehuvvot bivdobeanan. Dán sii dahket vai besset lágidit geahččaleami ovdal go bivdu álgá, muitala Finnmárkku opmodaga meahccehoavda Rolf Kollstrøm
– Addá sidjiide geat eai dárbbaš
Muhto Guovdageainnu Ealgabivdiid searvvi ovdáolmmoš gal čuoččuha ahte Fefo addá sierralobiid bivdiide geat eai dárbbat dán, lohka Saari