Sápmelaččat Sáččás Gaska-Romssas leat 1700 -logu loahpa rájes oggon Liditvuona-čázádaga.
Sápmelaš eananoamasteaddjit leat maid beassan vuovdit oaggonkoarttaid 1989 rájes, muhto dan eai beasa šat dahkat go Hålogalandda eanajuohkinbájitriekti lea cealkán ahte Statskog dat galgá hálddášit dán čázádaga. Lea mearkkašahtti ahte dát mearrádus dahkkui ovdalaš go Hålogalánddaopmodat ásahuvvo.
Guovllu boazosápmelaš ja eananeaiggát, Per Mathis Skum ii dohket duomu ja áigu guoddalit.
NRK Sámi Radio ii leat lihkostuvvan oažžut Hålogalándda Eanajuohkinbajitrievtti kommenteret duomu.
