NRK Meny
Normal

– Eanebut livčče galgat levget

Gávcci gieldda Finnmárkkus libarda arvedávgeleavga bearjadaga, nu maiddái Sámediggevistti olggobealde Kárášjogas. Sii ledje sávvat ahte eambbo suohkanat ledje levget dalle, lohká Finnmark Pride stivrrajođiheaddji.

Sametinget flagger med regnbueflagg

Sámediggi áigu levget arvedávgeleavggain bearjadaga.

Foto: Sametinget.no

– Mu mielas lea dehálaš levget, go dat buktá daid homofiillaide geat orrot dan suohkanis signálaid. Ja jus suohkan levge, de mearkkaša dat ahte deike leat sii buresboahtin, dadjá Finnmark Pride stivrrajođiheaddji, Gunhild Steffensen Johansen.

Daid stuorámus gielddain Álttás, Hámmárfeasttas ja Mátta-Várjjagis levgejit arvedávgeleavgan bearjadaga, nu go Finnmark pride hástala, maiddái vihtta eará gieldda, nu go sámegielddat Porsáŋgu ja Guovdageaidnu levgejit, ja vel Sámediggi.

Finnmark pride

Gunhild Steffensen Johansen gasku.

Foto: Finnmark Pride

– Dat lea buorre go sápmelaččaid álbmotválljejuvvon orgána dán dahká, ja jurddaša sámi homofiillaid vuoigatvuođa- ja identitehtarahčama birra, muhto lei sávaldat ahte eambbo sámegielddat ledje dáhkat dan seamma, lohká Gunhild Steffensen Johansen.

Porsaŋggus levgejit

Porsaŋggus leat ovdal, ja sii levgejit dán jagi maid.

– Mii leat levgen arvedávgeleavggan ovdal ja dahket dan seamma dál, go lea dárbu čujuhit ahte dohkehit buohkaid sin gielddas, lohká Porsanggu sátnejođiheaddji Knut Roger Hanssen.

Deanus levgen ovdal

Deanus leat ovdal levgen, ja fidnejedje olu rámi dan ovddas.

– Dán jagi lea levgenjearaldatboahttán go mun ledjen luomus, ja mun in leat sihkar ledje go lihká levget. Ii soaitte dárbu juohke jagi fuomášuhttit homofiillaid vuoigatvuođaid, dadjá Deanu sátnejođiheaddji, Frank Ingilæ.

  • Guldal ášši:
    Pride levgen