NRK Meny
Normal

– Dulka lea dehálaš dearvvasvuođadivššus

– Min mielas lea dehálaš ahte gávdno dulka dearvvasvuođabálvalusain, lohká Deavvašvuođa bearráigeahču senior-ráđđeaddi,  Anne Solberg.

 Anne Solberg.

Tospråklighet kan hindre språkdød
Foto: Piera Balto / NRK

Su mielas galgaba buohcci ja divššár gulahallat albma láhkái.

Dásseárvo- ja olgguštanáittardeaddji dat lea guorahallan mo stáhtalaš ásahusat hehttejit vealaheame dáhpáhuvvamis. 

Dan oktavuođas leat gávnnahan ahte ásahusat eai váldde vuhtii ahte ollugat eai gulahala almmolaš ásahusaid bargiiguin dulkkaid haga.

GULDAL: Dearvvasvuođabálvalus tulkkaid haga

 

Geatnegasvuohta dulkot

– Lea áibbas čielggas ahte dearvvašvuođa ásahusain Norggas lea geadnegasvuohta skáhppot dulkka jos buohcci ii gulahala doaktariin dahje eará bargiin, lohká Solberg

Dás han lea sáhka buohcci oadjebasvuođas váttis dilis - ja leažžá dal sisafárrejeaddji dahje sápmelaš guhte dárbbašeaš dulkka, de galgá dálkkodeaddji háhkat dulkka vai gulahallá buohcciin, lohká son.

Unnáša dulkafálaldaga

Rápporttas maid Dásseárvo- ja olgguštanáittardeaddji lea ráhkadan dan birra mo ieš guđet ge lágan stáhtalaš ásahusat eastadit vealaheamis  buohcciid, boahtá ovdan ahte dušše logi almmolaš ásahusa 168 ásahusas geavahit dulkkaid.

Dulkabálvalussii atnu
Foto: Piera Balto / NRK

Vaikko dás ii leat dušše sáhka dearvvašvuođa ásahusain, de lea goit maid sii oassin iskkadeames.

– Eai dovdda

Áittardeaddji kártenbarggu jođiheaddji ja rápportta ovddasvástideaddji Mariette Lobo mielas lea erenoamaš duođalaš jos dearvvašvuođa bálvalusat ge eai dieđe makkár ovddasvástádus sis lea láhčit buohkaide Norggas vejolašvuođa gulahallat buohcciviesu bargiiguin.

Oppalaččat čájeha guorahallan ahte stáhta ii váldde duođas vealaheami ja olggušteami, ja sii vurdet ahte ráđđehus dál ges kártegoahta maid sisafárrejeaddjit , sámit ja násunala minoritehtat Norggas vásihit stáhtalaš ásahusaid beales, lohká Lobo.

Vaikko dán guorahallamis galge stáhta ásahusat vuosttažettiin vástidit mo sii eastadit vealeheami dáhpáhuvvamis sisafárrejeaddjiid ektui, de lea ovdamearkka dihte mannan jagi beaggán ahte vuorrasat sámit eai leat ožžon dulkkaid buohcciviesuin.

Vaikko Dearvvašvuođabearráigeahču seniorráđđeaddi Anne Solberg ii loga iežas gullan nu olu dien birra, de deattuha son goit ahte nie ii galgá dáhpáhuvvat.

– Dan mun gal oaivvildan ii leat dohkkálaš, dadjá Solberg.

Manuela Ramin-Osmundsen
Foto: Erichsen, Jarl Fr. / SCANPIX

Go juo rápporttas boahta nu čielgasit ovdan ahte almmolaš ásahusain Norggas lea váilevaš dulkonbálvalus de áigu Mánáid ja dásseárvoministtar Manuela Ramin-Osmundsen váldit ášši ovdan farggamusat Dearvvašvuođaministtar Sylvia Brustadain vai dearvvašvuođabálvalusas goit njulgejuvvo dát bonjuvuohta farggamusat go dál gillájit sihke sámit ja sisafárrejeaddjt váilevaš dulkonbálvalusa geazil, lohká son;