Sámi Teahtersearvvi ja Sámi Girječálliid Searvvi dieđu vuođul leat vihtta Davvikalohta teahtera dál ohcamin oahppan ja álggahalli dramatihkkariid.
Sii galggašedje álgit gursii, man ulbmil livčče ovdánahttit dramatihka máhtu, lohká Áilu.
Minoritehta gielaide
Teahterat hálidit minoritehtaid gillii giehtačállosiid. Prošeavttas leat mielde Beaivváš Sámi Teahter (Guovdageainnus), Åarjesaemien teahter (Muofis), Sámi Teahter (Gironis), ja Tornedalsteater ja Meänmaan Teatteri (Duortnusis).
10 čálli kursii
Teahterhoavddat ja Sámi Girječálliid Searvvi ja - Teahtersearvvi áirasat dat váljjejit logi mánusčálli, guđet oččot fálaldaga álgit ohppui.
Iŋgor Ántte Áilu sávva, ahte olu giehtačállosat livččet boahtit. Son lohká leat váttis gávdnat dramatihkkariid, geat čállet teahterbihtáid, ja nu leage teahteriin dál lea stuorra dárbu ođđa čállosiidda.