NRK Meny
Normal

– Dárbbašit teahterčálliid

– Teahteriin lea stuorra dárbu ođđa čállosiidda, ja dál ohcet ovttas dramatihkkariid, muitala teahtersearvvi ovdaolmmoš, Inggor Ántte Áilu.

Egil Keskitalo bihtás "Ridn'oaivi ja nieguid oaidni"
Foto: Marit Anna Evanger, Beaivváš preassagovva

Sámi Teahtersearvvi ja Sámi Girječálliid Searvvi dieđu vuođul leat vihtta Davvikalohta teahtera dál ohcamin oahppan ja álggahalli dramatihkkariid.

Áilloš dahje Iŋgor Ánte Áilu Gaup
Foto: Anne Olli / NRK

Sii galggašedje álgit gursii, man ulbmil livčče ovdánahttit dramatihka máhtu, lohká Áilu.

GULDAL: Ohcet dramatihkáriid

Minoritehta gielaide

Teahterat hálidit minoritehtaid gillii giehtačállosiid. Prošeavttas leat mielde Beaivváš Sámi Teahter (Guovdageainnus), Åarjesaemien teahter (Muofis), Sámi Teahter (Gironis), ja Tornedalsteater ja Meänmaan Teatteri (Duortnusis).

10 čálli kursii

Teahterhoavddat ja Sámi Girječálliid Searvvi ja - Teahtersearvvi áirasat dat váljjejit logi mánusčálli, guđet oččot fálaldaga álgit ohppui.

Iŋgor Ántte Áilu sávva, ahte olu giehtačállosat livččet boahtit. Son lohká leat váttis gávdnat dramatihkkariid, geat čállet teahterbihtáid, ja nu leage teahteriin dál lea stuorra dárbu ođđa čállosiidda.