– Buorre go muhtimin beassá borrat liegga borramuša

Mikkel Mathis Hætta bargosadji lea guovdu duoddara. – Danin lea vuogas muhtimin finadit liegga mállása borramin dás Gáldodievás.

Mikkel Mathis Hætta bargosadji lea guovdu duoddara. – Danin lea vuogas muhtimin finadit liegga mállása borramin dás Gáldodievás.

Ábborášša-orohaga ovdaolbmos lea dálvesiida Norgga bealde riikkarájá. Danin lea sutnje oalle lahka maid finadit Suomas. Gáldodievás lea sihke vejolaš oastit bensiinna, diesela ja eará gálvvuid gávppis.

Loga dán maid: Jođus Bossogohppái: Bisset dán guoktá!

Lea ollu lagat deikke vuodjit dan sadjái go márkanii Guovdageidnui. Dál skábman go geargá vuodjimis ealu luhtte, de lea maid álki dáppe borastit maid, muitala 32-jahkásaš badjeolmmoš.

Hætta lea geargan njuovvamin, ja lohká leat bures mannan dán jagi.

– Mis lei oalle miessái, ja leat vuovdán bures. Dál sáhttá leat duhtavaš, muitala.