– Boazodoalus mearehis garra biras
Boazodoalus lea mearehis garra biras ja ollu boazodoallit eai váidde áitagiid. Nu čilgii politiijavuosttášbálvá Inger Anita Øvregård otne dikkis Guovdageainnus. Muhtin boazodoalli lea áššáskuhtton go galgá leat áitán goddit lagašolbmuid. Øvregård čilgii ahte boazodoallit gierddahallet máŋggaid jagiid, eai ge váidde vaikko man garra dilli leaš boazodoalus. Bargobirrasa suodjaleapmi ii leat dán ealáhusas,logai politiijabálvá. Guokte nissonolbmo leat váidán lagaš fuolkki go galgá leat áitán sudno boazobarggus.