Earet Klemetsen de boahtá maiddai heaibu Signe Marie Fidje Store guhte ovdalaš beassažiid vuosttaš geardde gilvvohalai rávisolbmuid eurohpameašttir gilvvuin.
Skeŋkke ruđa dutkamii
Árdnii boahtiba maid Sámi Grand Prixa vuoitiguovttos Johan Ivvar Gaup ja Ella Marie Hætta Isaksen. Juoiganvuoiti lea mearridan skeŋket oasaža vuoittoruđain borasdávdda dutkamii.
– Mu mielas lea borasdávda nu fasttes dávda, mus leat fuolkkit jápman dan geažil, ja mun háliidan ruhtaskeaŋkkain leat mielde ruhtadeame dán dávdda dutkama, daddja Gaup.
Ella Marie ii lean álgojurys válljejuvvon mielde grand prixai, muhto go "Irdon" joavku geassadii de beasai Ella Marie sin sadjái. Ja de gal máisto vuoitu vel njálgabut.
– Dovddat go ahte besset gaskasuorpma čajehit álgojury go vuitet?
– Na-a..jua, vástida Ella Marie ja nu oažžu gehččiid reaškkit.
Loahpageahčen sáddaga čuojaha "Háldi" joavku ovtta dain ođđa šuoŋain maid sii álmmuhit cuoŋumánus.
Ođas dán vuoru lea ahte Árdna bovde gehččiid studioi go filbmejit prográmmaid.
Árdna oidno NRK2:žis mánnodagaid diibmu 20.55