NRK Meny
Normal

– Ođđa bisma galggašii dovdat sámi kultuvrra

Nu lohká norgga girkorádi njunuš.

Svein Arne Lindø

Norgga girkorádi njunuš, Svein Arne Lindø.

Foto: Erik Waage

Davvi- Hålogalandda bismagotteráđđi lea válljen dán vihttasa evttohassan šaddat ođđa bisman Davvi Hålogalanddas:
Norgga Girkoráđi ossodathoavda , Hans Arne Akerø, Romssa proavás Herborg Oline Finnset, Østre Borgesyssel proavás, Elisabet Yrwing Guthus, Girkolaš Oahppoguovddáža rektor, Stig Rune Lægdene ja Álttá proavás, Olav Øygard.

Čakčamánu loahpas mearrida Norgga Girkoráđđi guđemuš dán vihttasis námmaduvvo ođđa bisman Davvi-Hålogalandii.

– Eahpikeahttá livčče ovdamunni jos ođđa bisma Davvi-Hålogalanddas dovddašii bures sámi kultuvrra, lohká norgga girkorádi njunuš, Svein Arne Lindø. Su mielas lea Davvi Hålogalandda bismagotteráđđi válljen vihtta nana evttohasa
šaddat ođđa bisman Davvi Hålogalandii.

  • Guldal ášši:
    Girkoraddi bismma birra