NRK Meny
Normal

– Berrešii čohkket buot soahtehistorjjáid ovtta girjái

Servvodatdutki oaivvilda ahte berrešii čállot sámi soahtehistorjjá birra mii guoskkaha miehtá Sámi, iige dušše muhtun guovlluide.

Vadsø i ruiner 2. verdenskrig

Finnmárku maŋŋil soađi, jagi 1944 čavčča. Čáhcesuolu buollán gutnan, maŋŋil go duiskalaččat bolde 1944 čavčča.

Foto: Scanpix / NTB scanpix

Johan Klemet Hætta Kalstad

Servvodatdutki Johan Klemet Hætta Kalstad.

Foto: Ođđasat / NRK

Iešguđet guovlluin Sámis lea čállon soahtehistorjá. Muhto ii gávdno girji sámegillii mii muitala ja čájeha olles sámi soahtehistorjjá.

Dán dálvvi mielde gárvána ge oahppogirji vuođđoskuvllaide soađi birra.

– Berrešii čohkket buot guovlluid čállosiid

Servvodatdutki Johan Klemet Hætta Kalstad mielas berrešii buot
guovlluid čállosiid dál čohkket ovtta girjái, dahje ráidui.

Girjelágádusas ovttaoaivilis

Jan Helge Soleng

Davvi Girjji lágádushoavdá Jan Helge Soleng lea seamma oaivilis ahte berrešii čohket sámi soahtehistorjja ovtta girjái.

Foto: Dan Robert Larsen / NRK

Davvi Girji lágádushoavdá, Jan Helge Soleng oaivvilda ahte dál ii gávdno girji mas leat čohkejuvvon nuppi máilmmisoađi birra sámegillii, mas lea čállon buot guovlluin sámis. Dál gávdnojit gihpagat iešguđet guovlluin, ja dál livččii áigi čohket dáid ja čállit dáid sámegillii, dadjá Soleng.

Sii leat gearggus bargagoahtit dákkár girjeprošeavttain, dadjá Soleng.

  • Guldal olles ášši: