Politihkkárijt aj Skogvokterdaganin gávna, mij juohkka giese Sálatvuomen ásaduvvá.
Danna iejvvijma Mikkel Eskil Mikkelsenav Divtasvuonas, gut la bajemusán Vuonarijka sámesiebrelistan Viestarmera válggabirán.
– Mån lav diehki boahtám ávddadittjat sámijt dájn guovlojn tjáledittjat Sámedikke jienastimlåhkuj. Ja diedon oassen mijá válggabargos dálla válgaj åvddåla.
- Lågå aj:
– Munji la ájnas jienastit
Ja vuojnunagi bargujn vuorbástuváj.
– Dánna li muhtema gudi li loabedam galggi tjáledit ietjasa jienastimlåhkuj.
Akta dajs gut la Sámedikke jienastimlåhkuj tjáledime, la bidumsábme Malin Ranberg Sálatvuomes.
– Lav mihá ietjam duogátjis, ja sjaddá miellagiddevasj gå besav jienav vaddet daj politihkkárijda gev Sámediggáj sidáv. Munji la ájnas jienastit.
– Sámeduobddága
Mikkelsen tjielggi sån ij vuojga ulmutjijt Sálatvuobmen dåbdo.
– Suohtas le má diehki boahtet, ja gullat gå ulmutja subtsasti sij li sáme. Gullat makkir duogásj la siján, ja sámevuoda birra.
Sån duodastusáv oattjoj, gåk åvdutjijs diedij, ij la dát dáttjajværált.
– Dát ij la åvvå dáttjajværált. Dát la sámeduobddága. Båktemav vuojnnep, dagu sáme kultuvrra ja identitiehtta la ællánam.
– Moattes javlli sij li sámemáttos, dánna li bajássjaddam ja mujtti ietjasa áhkojt ja ádjájt gudi lidjin sáme.