– Áigut bissehit biraskatastrofa

Fiettar orohaga jođiheaddji Per Jonny A Skum dáhttu Ealáhus- ja guolástusdepartemeanta hilgut Nussir ASA ruvkedoaibanlobi ohcamuša, čállá orohat preassadieđáhusas. Bearjadaga galgá orohat deaivvadit departemeanttain. Skum čállá ahte sis lea okta mihttu, sii áigot bissehit biraskatastrofa maid son navdá boahtá billistit boazodoalu, guolásteami ja luossanáli guovllus. Jus Nussir AS beassá álggahit ruvkedoaimma ja luoitit merrii mirkkuid de ballá Skum ahte dat billista visot dan luonddu guovllus.

Birasdepartemeanta lea ovdalis jo cealkán ahte nuoskkideapmi maid plánejuvvon ruvke mielddisbuktá ii leat nu vearrái mo Sámediggi, boazodoallu ja guolástussearvvit leat navdán. – Mii bidjat hirbmat garra eavttuid, ja lea biraslaččat bealuštahtti addit lobi, dajai dálkkádat- ja birasministtar Vidar Helgesen 2016:s.

Ealáhus- ja guolástusdepartemeanta galgá meannudit addetgo lobi luoitit ruvkebázahusaid Riehpevutnii farggamusat.

IKKE BRUK!!!!
Foto: Allan Klo