Hopp til innhold

30 jagi das rájes go vuosttaš teakstadiehtu sáddejuvvoi

Lávvardaga lea 30 jagi dan rájes go vuosttaš SMS sáddejuvvui. Dat sáddejuvvui Stuorra-Británnias juovlamánu 3. b. 1992.

Dieđu sáddii inšenevra Neil Papworth, guhte dihtora anii sáddet dieđu mielbargi telefovdnii.

Dieđus son sávai buriid juovllaid, son čálii «Merry Christmas».

Otne leat diehtoáppat ja sosiála mediat váldán badjelassii olu SMS-doaimmaid, muhto ain dálge sáddejuvvojit gaskamearálaččat 200 teakstadieđu sekunddas Telenor bokte Norggas.

SMS-utveksling mellom ME-syke Katrine og ektemannen.
Foto: Privat

Korte nyheter

  • Manná maŋás bellodatmihtideamis

    Bargiidbellodat manná maŋás bellodatmihtideamis, maid Norstat lea dahkan NRK ja Aftenposten ovddas. Go olbmuin jerret maid áigot jienastit suohkanválggas ja Stuoradiggeválggas, de manná Bargiidbellodat maŋás guvttiin proseantačuoggáin.

  • Oaččui Niehkostipeandda

    Guokte dáiddára Romssas ja Finnmárkkus oažžuba dan nu gohčoduvvon Niehkostipeandda, dahje dárogillii Drømmestipendet, maid Norgga Kulturskuvlaráđđi ja Norsk Tipping juolludeaba.

    Ja leaba guokte musihkkára, Elina Ijäs Guovdageainnus eret, ja Ingeborg Molund Skiervvás eret geat oažžuba 30.000 ruvnno goabbáge. Oktiibuot juhket Norggas 50 dákkár stipeandda, oktiibuot 1,5 miljovnna ruvnno.

    Samisk ungdomshelsekonferanse
    Foto: Håkon Mudenia / NRK
  • Reagere ruvkefitnodaga gávnnahusas

    Ruoŧa ruvkefitnodat LKAB almmuhii gieskat ahte sii leat gávdnan Eurohpa stuorámus gávnnahusa hárvves eananmetállain.

    Sii oaivvildit gávnnahusa leat dehálažžan ruoná nuppástuhttimii. Dasa reagere Ruoŧa Sámedikki Sámiid Riikkabellodaga politihkkár, Káren-Ann Hurri. Son dadjá ahte sámiin lea áibbas eará oaidnu ruoná nuppástuhttimii ja oaivvilda industriija ja politihkkáriid oamastan doahpaga ja dagahan dan márkanfievrridanvuohkin.

    -Sii eai leat daid metállaid ohcan buoridit planehta, dadjá Hurri.

    LKAB ges dadjá ahte sin bargu lea unnidit fossiillanuoskkideami, iige leat sin duohken mearridit mii ruoná nuppástuhttin lea, sii gullet dušše maid politihkkárat ja birasdutkit dadjet.

    – Jus háliida ođđaáigásaš ja buorre eallima mas alla čálgu, de leat konsekveanssat. Dasto mii fertet ohcat metállaid, dadjá LKAB mediahoavda Anders Lindberg.

    Loga olles ášši dás.