PÅ NORSK:
(Muitaleaddji: Anna Maria Sara Buljo)
Golbma nieidda gullet.
Jahki leai 1945 ja maŋemus máilmmisoahti lea jur loahpahuvvon. Duiska soahteveagat ledje boaldán giliid ja gávpogiid miehtá Finnmárkku. Olbmuide ledje báhcán ollu váivves ja unohis muittut dain surges jagiin, mat dál ledje vássán. De muhtun beaivvi ledje golbma nieidda vuolgán váccašit dohko Gearretnjárgga guvlui, dás nuppe bealde Skáidejoga, Anna Marja Sara Buljo leai okta dain nieiddain.
Ná mii manaimet dohko vácci golbma nieidda. Mun dat ii lean dalle eará go nieiddaš. Finaimet doppe ja ovtta viessosajis mii idjadit, dat leat boaldán buot, eai doppe leat olbmot gal.
Báhkka hirbmat dan, mii leat ceggen unna teltteža mas mii dál áigot nohkkat. De mii gullát die vázzet olbmot, viessosajis rávttut ná maŋŋálaga nu movt juo lea. Čolket skuovat, ruovdeskuovat ja rálle nubbi hui alla jienain. Ja in mun gal dádjat jurddašit ahte dat lea balddonas! De lohka dat mu oambealle: “Daid niesteseahkaid viežžalit eret daid – jus dat burget dies luodda...” Mun viehkalin viežžát, hui lahka, dego duon vistái. Ja ii dat oidno iige gullo ii mihkke!
Dál mun sutnjen fas dohko daid iežán olbmáid lusa, dál mii gal gullát de vázzet fasttain! Dál mii eat duostan šat geahčastit, dat manne dohko dien fávlli guvlui, dien fiervvá mielde. Dalle ii lean biilaluodda, muhto dušše daid olbmuid vázzinbálgát, duolba rávttut.
Ná mii son die lei? Leigo son dat balddonas? Ná mun gal in, mun dat gal jurddašan ii dat lean goit ii mihkkege doppe! Dat ferte goit leamen juoga, ulddat dahje juo duiskalaččat mat ledje juo mannan – jus dat ledje daid vuoiŋŋat?