200 miljon dosa EUii
EU:i bohtet vel 200 miljon covid-19 boahkuhanmeari, duođašta Pfizer ja BioNTech otne, ja leat šiehtadan ahte 75 miljovnna bohtet ovdal geasi. EU fidne Pfizer ja BioNTech-fitnodagain oastit oktiibuot 500 miljovnna boahkuhanmeari.
Korte nyheter
-
Ruošša: Mis leat 6000 ukrainalaš soahtefáŋgga
Ruošša suodjalusdepartemeanta čuvdii duorastaga, ahte sis leat eambbogo 6000 ukrainalaš soahtefáŋgga. Gaskavahku čađahedje Ukraina ja Ruošša vuosttaš fáŋgalonohallama das rájes go soahti álggii. Goabbáge bealli luite 144 soahtefáŋgga luovusin.
Foto: ALEXANDER ERMOCHENKO / Reuters -
Oslo Pride ii háliit lágidit maidige dál
Oslo Pride jođiheaddji Inger Kristin Haugsevje lea duhtavaš go áittadássi ii navdo šat nu stuorisin. – Mii almmatge eat áiggo maidige lágidit Oslos dál. Váldit geasseluomu ja de digáštallat geainnu viidáset luomuid maŋŋá, čilge Haugsevje NRK:ii.
Foto: Privat -
Dagahedje váttisvuođaid, norgga neahttabáikkiide
Ikte fallehedje Ruošša hackerat Norgga neahttabáikkiid Nugo Altinn, bargobearráigeahču ja máŋga mediaviesu vásihedje váttisvuođaid neahtain. Diehtojuohkki instituhta professor Audun Jøsang lohká fitnodagaid ja almmolaš institušuvnnaid geain lea buorre IT gearggusvuohta, nákcejit giehtaguššat dán lágan fallehemiid ja divvut neahttafálaldaga fas oanehis áiggis. Ulbmil dán lágan fallehemiin lea dagahit eahpesihkkarisvuođa álbmogii ja politihkkáriidda, mii sáhttá fas váikkuhit boahtte áiggi mearrádusaide, lohká Jøsang.
Foto: Anette Ask / Forsvaret
