NRK Meny
Normal

1200 AWG-nuora darvánan Kangerlussuaq girdihápmanii

Garradálkkit Nuuk gávpogis dagahit, ahte justa dál lea Kangerlussuaq olmmošlohku duppalstojuvvon.

Dan Robert Larsen lea ráhkadan rápporttaža Kangerlussuaqas, gos 1200 ámerihkálaš ja kanádalaš AWG-nuora vuorddašit beassat Nuukii.

Kangerlussuaqas leat dál mealgat eanet guossit go dábálaččat. Eambbogo 600s leat jo joavdan deikke, ja fargga seivot vel moadde girdi. Buohkats galggašedje beassat Nuukii ovdal ihtá rahpanmeanuid.

Kangerlussuaq gilis Kalaallit Nunaatas ásset dábálaččat 1200 olbmo. Dál leat vel seammá olu olbmot boahtán moatti regiovnnas davimus Kanádas ja Alaskas USAs.

Sii livčče jođus Nuuk gávpogii, gos Árktalaš dálveriemut rahppojit almmolaččat eahkedis sotnabeaivve báikkálaš áigge.

Alaska-nuorat leat guhtta diimmu johtán deikke. Kanádalaš regiovnnain lea oanehat johtináigi.

Iđđedis otne sii jovde Kangerlussuaqii.

VIDEOS OAINNÁT MU RÁPPORTTA KANGERLUSSUAQAS