Arvvit duššadan Haitis
Unnimusat 15 olbmo leat duššan Haitis garra arvviid geažil. Arvvit leat dagahan garra dulvviid ja eanafierramiid.
13000 olbmo leat šaddan guođđit ruovttuideaset ja masá 7500 viesu leat billašuvvan. Garra arvvesdálki lea maid bilidan gilvvagárddiid ja bealdduid.
Stáhtaministtar Ariel Henry lohká dál oččodeamen bákkálaš ja riikkaidgaskasaš organisašuvnnaid veahkehit daid geat leat fáhtehallan dán katastrofii, čállá NTB