Stuorradiggepresideanta: – Historjjálaš ja duođalaš beaivi
– Stuorradikki bargu, rabas ja ođđaáigásaš demokratiijas, lea suddjet olmmošvuoigatvuođaid. Okta sivva manin kommišuvnna ásahuvvui lei dan dihte go oinniimet ahte stuorraservodat lei beahttán barggustis fuolahit eamiálbmoga ja našunála minoritehtaid. Ja raportta mii dál ovdanbukto han čájeha dan, dadjá stuorradiggepresideanta Masud Gharahkhani.
Son giitá sin geat leat juohkán muitalusaiset kommišuvnnain, ja oaivvilda daid mearrideaddjin ovddidit vearrivuođaid mat leat dáhpáhuvvan.