Kommišuvnna-lahttu cuiggoda raportta garrasit: – Raporta lea gillájeaddjimuitalus
UiO professor Aslak Syse, gii ieš lea Duohtavuođa- ja soabahankommišuvnna lahttu ja lea bargan raporttain, cuiggoda raportta garrasit.
Son čállá raportta mildosis ahte raporta lea gillájeaddjimuitalus, ja dainna duohtavuođain ii leat ovtta oaivilis.
– In leat ovtta oaivilis dakkár buktagiin mas oktageardánis gillájeaddjirolla orru šaddamin dat mii muitaluvvo.
Son cuiggoda maiddái bargovuogi, ja oaivvilda earret eará ahte raporta gieđahallá sámi dilálašvuođaid eambbo go earáid, go sullii goalmmádas oassi raporttas lea sápmelaččaid birra.