Ådå dutkam galggá sámegielåhpadusáv nannit
Vidá dutke vuona universitehtajs ájggu dal sáme mánáj dilijt buoredit SpedAims Vájmmogiella dutkamprosjevta baktu.
SpedAims Vájmmogiella dutkamprosjevtan galggi guoradallat gåktu máhtti iesjguhtik láhkáj doarjjot sámegielaga mánáj gielalasj, fágalasj ja sosiála oahppam- ja åvddånahttemmáhttelisvuodajt.
Guoradallam gåbttjå mánájt nuorttasáme-, julevsáme- ja oarjjelsáme birrasijs ja guovlojs.
– Sihkarastátjit buorre kvalitiehtta pedagogihkalasj fálaldagájn sáme mánájda aj Vuonan, la sihke luondulasj ja dárbulasj jut gávnnuji iesjrádálasj dutkamijn ma li mijá rijka gålmmå almulasj sámegielajda tjanádum, javllá pedagåvggåprofæssur Bjørg Mari Hannås Nuortta universitehtan, gut dutkamprosjevtav jådet. Sån laset ælla vargga goassak guoradallam dájt suorgijt.