Ruonáeatnamis heajos gaskavuohta Dánmárkkuin
Ruonáeatnama stádaministtar dovddasta ahte oktavuohta Dánmárkui lea vearránan maŋŋá go Dánmárku nammadii ođđa árktalaš ambassadevrra geas ii leat gullevašvuohta Ruonáeatnamii.
Nu muitala Ruonáeatnama ráđđehusnjunuš Múte Egede dánska aviisii Politikenii.
– Dát čájeha maid olgoriikkadepartemeanta oaivvilda min birra. Čájeha ahte eai vuhtiiváldde min, vaikko mii leat riikka árktalaš guovlu, lohká Egede.
Dánmárkku árktalaš ambassadevra ovddasta Ruonáeatnama, Fearsulluid ja Dánmárkku árktalaš beroštumiid.
(NTB)