Amerihká soahtefanas Norgga mearragáttiin
Oslos leat ráhkkanan go máilmmi stuorimus soahtefanas USS «Gerald R. Ford» bođii Oslovutnii gaskavahkku.
Soahtefanas galgá fitnat Norgga vuonain ja vákkiin, muitala Suodjalusa operatiiva váldoguovddáža (FOH) ovddasteaddji Jonny Karlsen, muhto son ii sáhte addit eambbo dieđuid ahte justte gosa USS «Gerald R. Ford» áigu johtit.
Amerihká soahtefanas galgá hárjehallat ovttas stuorra osiin norgga suodjalusain, dan botta go lea Norgga mearain.
– Eat sáhte muitalit man guhkás davás dat lea jođus, lohka Karlsen.
Sii dađistaga almmuhit eambbo dieđuid dan birra ahte gos soahtefanas galgá hárjehallat Norgga suodjalusain.
– Mii eat áiggo čiegadit maidege.