Ii atte Sámediggái bistevaš lobiid
Ovddádusbellodat ii čuovvul MDG evttohusa addit Sámediggái bistevaš lobi evttohusaid buktit Stuorradiggái, lohká Ovddádusbellodaga Stuorradiggeáirras Helge Andre Njåstad.
- Stuorradiggi ovddasta buot olbmuid Norggas nu šaddá áibbas boastut muhtimiidda addit sierra vuoigatvuođaid etnalaš duogáža geažil. Sámediggi ja sámi beroštumit sáhttet nu go earát searvat gulaskuddamiidda ja ovddidit áššiid main beroštit. Ná dat galgga demokratiija doaibmat, čállá Njåstad.
Son oaivvilda MDG jurddašeamin fertet sihke fylkkadikkiide ja gielddastivrraide seamma evttohas rivttiid.
-Norggas leat jo olu riiddut sierra vuoigatvuođaid olis mat sámedikkis leat ja go vuostecealkámušaid besset buktit. Nu buvttašii dát MDG árvalus vel stuorát etnihkalaš riidduid, loahpaha Njåstad.