Mihkkal Hætta dán jagi Riddu Riđu nuorra dáiddár
Dán jagi Riddu Riđu nuorra dáiddár lea 22-jahkásaš guovdageaidnulaš filbmadahkki Mihkkal Hætta, dan čállá festivála preassadieđáhusas. Su lea movttiidahttán amerihkálaš filbmadahkki David Lynch ja ruoŧŧelaš filbmadahkki Ingmar Bergman. -Sámi filmmaide lea dál stuorra beroštupmi, maiddái máilmmiviidosaččat. Dát áigi movttiidahttá sámi filbmadahkkiid ja son vuorddaša iluin oaidnit man láhkai Mihkkal lea mielde váikkuheamen sámi filbmasuorgái, dadjá festivála jođiheaddji Sajje Solbakk.
-Orui dego niehku go oaččui diehtit, ahte son dat lea dán jagi Riddu Riđu nuorra dáiddár, dadjá Mihkkal Hætta. Son illuda čájehit dan mii sus lea sámi filbmamáilbmái buktit, lasiha son.