Terje Aasland: –Ii leat vuoigatvuođálaš vuođđu gaikkodit bieggaturbiinnaid
Oljo- ja energiijaministtar Terje Aasland (Bb) čilgii otne Stuorradiggái Fovsen-áššis. Son dadjá, ahte dál čuovvolit Alimusrievtti duomu. –Ráđđehusa diehtu lea čielggas. Sii čuovvolit Alimusrievtti duomu nu, ahte Fovsen sápmelaččaid vuoigatvuođat áimmahuššojuvvojit, dajai oljo- ja energiijaministtar Terje Aasland. Son celkkii maiddái, ahte ii gávdno vuoigatvuođalaš sivva gaikkodit bieggaturbiinnaid Fovsenis Trøndelágas. Sámediggi ja boazodoallu oaivvildit, ahte Alimusrievtti duomus celko, ahte bieggaturbiinnaid ferte gaikkodit. Aasland dadjá dien boastto dulkojupmin.