Gonagas galleda rádjavávttaid
Odne galleda Norgga majesteahta gonagas Harald Mátta Várjjaga rádjavávttaid ja fitná maid Ruovdevuona rádjastašuvnnas.
Gonagas galledeapmi dáhpáhuvvá dan oktavuođas go davvin lea dál stuorra militearahárjehallan Joint Viking mii lea álggii njukčamánu 6. beaivve ja bistá 16. beaivve rádjai.
Gonagas dearvvaha maiddái suodjalusgeatnagasaid ja geahččat makkár rusttegiid soalddáhat geavahit.