Davvisámegillii dubbejuvvon animašuvdna dál Netflixas
Netflix rávdnjenbálvalusas gávdno dál sámegiel animašuvdnafilbma. Studio Ghibli filmma «Chihiro ilmmiid gaskkas» sáhttá dál geahččat Netflixas sihke davvisámegiel dubbemiin ja tekstemiin. Sámi filbmainstituhtas illudit ja árvalit, ahte boahtteáiggis galggašii šaddat álkit fidnet sámegiel filmmaid dán beakkán rávdnjenbálvalussii. Nu čállá Yle Sápmi.