Dán jerre olbmot go NRK vástidii álbmotbeaivve gažaldagaid
Lea šaddan árbevierrun ahte NRK vástida gažaldagaid álbmotbeaivve birra juohke 6. guovvamánu. Nu maid dán jagi.
Dá ledje dat dábáleamos gažaldagat.
1. Manne gohčoduvvo "našunálabeaivin" dárogillii?
Dárogillii lea «našuvdna»-sánis moadde mearkkašumi. Earet eará olmmošjoavku geain lea oktasaš kultuvra ja identitehtadovdu. Nu lea ge sápmelaččain, ja danin gohčodat našunálabeaivin dárogillii.
2. Gávtti birra
Gávtti birra bohtet ge ollu gažaldagat, ja olbmot geat eai dovdda gáktevieruid háliidit oahppat.
3. Manin álbmotbeaivi ii leat friijabeaivi Norggas?
Oanehis vástádus lea danin go politihkkárat eai leat mearridan ahte nu galgá leat. Vaikko NRK diibmá čađahii miellaiskama mii čájehii ahte sullii bealli álbmogis dorjot dan jurdaga.
4. Galle sámegiela gávdnojit?
Otne gávdnojit logi sámegiela. Buot min gielat leat Unesco listtus áitojuvvon máilmmigielain.
Lihkká bargojuvvo miehtá Sámis ahte loktet min gielaid fas.
Loga ášši dárogillii dás: