Muotka dahttu ráđđehusa láhččit dili Ruošša sámiide
Sámediggepresideanta lea sádden reivve ráđđehussii, reivves ákkastallá ahte sápmelaččat leat eallán Sámis dego okta álbmot sihke ovdal ja maŋŋá go ráját biddjojedje. Son dáhttu ahte Ruošša sápmelaččat galget beassat Norgii fárret dahje báhtarit, ja ahte galget beassat ássat Sámi guovlluin.
– Lea dehálaš ahte mii heivehit njuolggadusaid nu ahte lea vejolaš sidjiide boahtit min lusa.
Olgoriikaministar Anniken Huitfeldt muitala NRK:ii ahte ii kommentere reivve.
– Sin áššit fertejit individuálalaččat gieđahallot, nu ahte in sáhte das eambo kommenteret, muitala son.