Romssa politiijat báhče albmá
Romssa politiijat leat báhčán albmá Loabágis bearjadat ija, čállet politiijat preassadieđáhusas.
Politiijat ožžo dieđu mannat dán báikái veahkkin dearvvašvuođabargiide. Politiijat jovde báikái dii. 01.40, ja doppe šattai dakkár dilli ahte politiijat šadde báhčit albmá, gii juvlagoivvoniin lei vuodjimin.
Doavttir duođaštii albmá jápmán dallánaga maŋŋá báhčima. Politiijat eai roasmmohuvvan dáhpáhusas. Politiijaáššiid erenoamášossodat dutkagoahtá ášši.