Lohpidii álgoálbmotdepartemeantta – dál geahčada baicca kantuvrra ásahit
Brasila ođđa válljejuvvon presideanta, Luiz Inácio Lula da Silva lohpidii Brasila álgoálbmogiidda álggahit sierra álgoálbmotáššiid departemeantta. Departemeanta galggašii gieđahallat ja veahkkin fas nannet álgoálbmogiid rivttiid ja suddjema, maŋŋágo dálá ráđđehus lea daid njeaidán.
Bearjadaga celkkii Lula ahte son baicce lea árvvoštallame ossodaga ásahit, mii galgá gullat presideantakantuvrii, ovdalii go olles departemeantta. Dása reagerejit Brasila álgoálbmotnjunnošat, čállá Reuters.
– Min dilli lea dál nu duođalaš, ahte mii dárbbašat nana departemeantta mas lea mearridanváldi ja resurssat min várjalit, dadjá Univaja álgoálbmotsearvvi, mii lea Javari Valley:s, advokáhtta, Eliesio Marubo.