Edtjieh Saemiedigkien lahtesh båatsoelaakese gïetedidh
Båatsoerååresjimmieh leah fïerhtenjaapetje rååresjimmieh jielemelatjkoen bïjre Staaten jïh båatsoen gaskem. Saemiedigkie lea nuepiem åådtjeme lahtesigujmie båatsoelatjkose båetedh åvtelen rååresjimmieh aelkieh. Saemiedigkien stoerretjåanghkoe edtja Saemiedigkien lahtesh båatsoelaakese 2023/2024 gïetedidh goeven 9. biejjien, Saemiedigkie pressebïevnesne tjaala.
– Mov mïelen mietie daate båatsoelatjkoe tjuara sjïere fokusem utnedh dovne don geerve ekonomeles tseahkan jïh barkoetseahkan mejtie båatsoe daelie dååjroe. Lissine båatsoelatjkoe tjuara leavloem bïejedh dejtie sosijaale tsiehkide båatsosne, saemiedigkieraerie Hans Ole Eira (Gk) jeahta.