Measta 100.000 barggus eret psyhkálaš hástalusaid dihte
Goalmmát kvartálas leat 95.626 olbmo Norggas buohccin dieđihuvvon psyhkalaš hástalusaid dihte. Nu čájehit logut maid P4 lea viežžan NAV:as.
Dat leat 33,65 proseantta eambos go 2018:s.
Nav-direktevrra Hans Christian Holte oaivvilda pandemiija leat dehálaš sivvan dán ahtanuššamii.
Guovttis golmma olbmos geat báhcet ruovttus psyhka dihte leat nissonat.
– Nissoniin lea stuorát ovddasvástádus praktihkalaš hommáid ektui árgabeaivvis, muitala generálačálli Psyhkalaš dearvvašvuođaráđis Tove Gundersen.