Roasut váikkuhan bušeahttaárvalussii
Alla energiijahattit, pandemiija ja soahti Ukrainas leat váikkuhan dán jagi reviderejuvvon bušeahttaárvalussii, maid ráđđehus otne almmuhii. Dán nášonála reviderejuvvon bušeahttapresentašuvdnii lea erenoamáš duogáš. Dasa gullet golbma roasu, omikron, elrávdnji ja váikkuhusat soađis Ukrainas. Dattetge lea oalle vuollegis bargguhisvuođa logut ja inflašuvdna lea vuollelis go ollu eará riikkain, muitala finánsaministtar Trygve Slagsvold Vedum.