Nils Arne Eggen la jábmám
Nils Arne Eggen la jábmám. Iján ráfálattjan jámij sijdanis lagájmusáj siegen. Eggen sjattaj 80 jage vuoras. Eggen lij måttijt jagijt Rosenborga tjiektjamhárjjidalle. Sån la dat hárjjidalle gut ienemus tjiektjamijt la vuojttám. – Tjiehpemus hárjjidalle Vuonarijkan ájgij tjadá, javllá åvdep Manchester United tjiektje ja hárjjidalle Ole Gunnar Solskjær. Iehtjáda javlli jur sæmmi Nils Arne Eggena birra.