Soabmása de vuoroduvvi
Gå dát vahkko nåhkå da li 1.175 viesáda Hábmera suohkanin ållesváksineridum. Dán vahko galggi 84 viesáda tjuoggiduvvat, ja dajs li 67 gudi oadtju vuostasj váksijnav. Hábmera suohkan diedet váksineriji dal 45-54 jagágijt dán vahko. Lågev prosenta váksijnas manni åhpadiddjijda ja mánájgárdebarggijda, ja varresvuodabarggijda gudi ælla åvddåla váksineridum. Duodden aj suohkan studentajt vuorot gudi ålggorijkajda galggi. Vuonarijkan li badjelasj gålmmå millijåvnå oadtjum vuostasj váksijnav, madi 1,59 millijåvnå lij ållesváksineridum. Jur dat dieduvvá næhttabielen Our world in data.