Rijddo lágamánneriektas giehtadallá
Boahttsuæjgát diggeriektán vuojtádaláj, ja boahttsuæjgát dal ietjá båhtusijda doajvvu gå Råmså lágamánneriektá dáv boahtte vahko giehtadallá. – Ájnas la dáv vuojttet, dan diehti aj gå baláv ássje vájbi ietjá muodugasj ásjjijt aj vájkkudahttá, javllá boahttsuæjgát Arild Inga Viestarálas. Rijddo l guohtomednama birra boahttsuæjgádij ja ednamæjgáda gaskan Iinnasuollun. Gulá ienebuv dan birra Julevmagasijnan.