Juoigi Marit Ingá Sara Pettersen skeŋkii iežas bárdnái Kim Runii earenoamáš konfimašunskeaŋkka. Son lei ođasmahtán Kim Rune luođi, man ovdal lea juoigan árbevirolaš hámis Sámi grand prix:as. Dál lea šuokŋa almmuhuvvon, ja dan sáhtát gullat Spotify-listtus, New Music Sápmi.
Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.
Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.
Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.