Keskitalo ii hálit ođđasisválgga
Sámediggepresideanta Aili Keskitalo dieđihii otne ahte son ii hálit ođđasisválgga sámediggepresideantan 2021:s. – Mun lean giitevaš dan luohttámuša ovddas maid sihke NSR ja sámi jienasteaddjit leat čájehan munnje, ja dáhkidan ahte áiggun geavahit buot návccaidan dan bargui mii ain galgá dahkkojuvvot dán sámediggeáigodagas, dadjá Keskitalo. Keskitalo lea leamaš sámediggepresideantan golmma áigodaga oktavuođas 2005 rájes, ja lea dál válljejuvvon presideantan 2017 rájes 2021 rádjái. Les på norsk.