Corona virus Norgii
Álbmotdearvvašvuođainstituhta bealis jáhkket Corona virusa sáhttit boahtit Norgii ja dadjet iežaset leat gergosat jos njoammudávda boahtá. Muhto goitge eai daja olbmuid dárbbašit ballat das. 80 olbmo Kiinnás leat jápmán dávdii ja badjel 2000 olbmui lea dássážii njommon dávda, dieđihit Kiinná eiseválddit. Eiseválddiid dieđuid mielde de leat dál dearvvasmuvvan dat 11 doaktára, buohccidivššárat ja eará dearvvašvuođabargit, geain lea leamašan coronavirus.