Ođđa luohti almmuhuvvon
Guovdageaidnulaš Aslak Anders J. Gaino lea ovttas musihkkabuvttadeddjiin Bernt Mikkel Haglundain almmuhan ođđa luođi musihkain. Gaino lea bidjan luođi iežas bargoskihpárii Elle Rávdná Buljo Gaup:ii.
– Dat šattai leaikamohkkái go mun ledjen govvidan su nu ahte son ii oro luođis berošteame. Muhto son muitalii munnje ahte su viellja oktii bijai luođi sutnje jođidettiin, muhto go ollejedje davás de vájalduvvui luohti.
Gaino dadjalii dalle – Gal ahte mus goit telefovnnas lea luohti dutnje, ja dasa son duđai.