«Gielastuvvon» Stuoradikkis
Maret Anne Sara vuosttaldii olggobealde Stuoradikki otne dáidagiin «Gielastuvvon». Dáidda lea joatkka su dáiddaprošeavttas Pile o` Sápmi. Son vuosttalda Stáda bággonjuovvanproseassa vieljas vuostá. Sámi ođasmagasiidnii lohká son ahte dán proseassas leat badjelgeahččan sápmelaččaid vuoigatvuođaid – Dát ášši lea nu čuohcan. Jus dál lohká Stuorradiggi ahte dáhttot njuovvat vielja ealu, ovdalgo ON cealká áššis, de dohkkehit ja effektiviserejit ođđamállet koloniserenapparáhtta, man min guovllu máilbmi ii leat vel oaidnán.