Unjárggas buorit fálaldagat mánáide
Unjárggas leat buorit fálaldagat mánáide ja nuoraide, nu buorit ahte leat Unicef listtus buot bajimusas. Nubbi seamma buorre suohkan lea lulli Norgga suohkan Bykle. Dan čállá NTB preassadieđáhusas. Unicef Norga lea guorahallan ja buohtastahttán earret eará suohkaniid mánáidsuodjalus-, skuvla-, ja kulturfálaldagaid. Divttasvuotna, Guovdageaidnu ja Loabát leat suohkanat gos dánlágan fálaldagat mannet baicca heajut guvlui. Nu oidno dieđáhusas. Oppalaččat leat stuora erohusat das makkár fálaldagat Norgga suohkaniin leat álbmogii.